Ole Kristian Furuseth er ein norsk tidlegare profesjonell alpinist som mellom anna har vunne OL-sølv i slalåm i 1998 og VM-bronse i 1991.
Furuseth var den som starta det som kan omtalast som det norske alpineventyret. Saman med utøvarar som Finn Christian Jagge, Atle Skårdal, Kjetil André Aamodt og Lasse Kjus var han med på å føre Noreg opp som ein leiande alpinnasjon på herresida i 1990-åra. Som den fyrste norske alpinisten vann han samanlagt ein verdscup i alpine skidisiplinar.
Ole Kristian Furuseth fikk sitt internasjonale gjennombrot med siger i slalåm og storslalåm i verdscupen i 1989. Noko av suksessen hans kom av den uortodokse stilen hans med breiare skiføring enn konkurrentane og ein skitype som hadde meir innsving enn tidlegare. Gode treningsmetodar og sterk egendisiplin var likevel det viktigaste for suksessen til Furuseth. Han konkurrerte for Ullensaker Skiklubb.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.